Allaatiginera
Modulip sisamaat onlinemi isumannaassusermut tunngavoq, atuartut digitalimik namminneerlutik atuinissaannut pingaaruteqartunut ilaasoq. Atuartitsinermi uani siunertaavoq digitalimik tumiliaminnik cookiesillu pissusaannik paasisaqarlutillu ilisimasaqalernissaat. Taakku saniatigut atortussiat internetsikkut tumiliornerit inuttut paasissutissanut siunniutigisinnaasaannik isumaliutiginnitsitsissapput eqimattatullu eqqartuititsissallutik. Atuartullu internetimi paasissutissat namminerminnut tunngassutillit annertussusaat killilersinnaallugit ilisimalissavaat.
Anguniagaq
Ingerlatsereernermi atuartut uku pisinnaalissavaat:
- Atuartut cookiet digitalikkullu tumiliornerit ilisimalissavaat.
- Atuartut namminneq allallu internetikkut iliuusaat ilisimaarilissavaat.
- Atuartut paasissutissaatimik allanngorlugit inissisinnaaneri ilisimassavaat.
Iliuusissat
Modulip ingerlannissaanut atuartitsinermut pilersaarusiaqareerpoq, aariaannaallunilu malinneqarsinnaasoq. Taakku saniatigut modulip atuartitsissutiginerani PowerPointikkut takutitassiaqareerpoq, aallugillu atorsinnaasatit. Power Pointimi iliuusissat, sungiusaatit videollu taakkununnga tunngasut takusinnaavatit.
Atortussiat
Modulimut uunga atortussiat anillatsissavatit. Taakku saniatigut allannermi atortut, malertape kridtsiluunniit, videollu ilitsersuutaasup takutinnissaanut smartboardi.
Piffissaq
Modulip ingerlannissaanut akunnerit marluk atorneqarsinnaapput.
Siunnersuut
Atuartitsinermut ilitsersuut / anillatsitassaq siulliullugu atuaruk. Sungiusaatinut, iliuusissanut, siunertamut assigisaanullu tunngassutillit paasissutissat tassaniipput.
PowerPointimiipput videoliat YouTubemut atassusikkat, videollu ajornaquteqanngitsumik takuneqassappata pingaarpoq PowerPointip internetimut aallersinnaanerata akuerinissaa.