Allaatiginera

Moduli siulleq internetsimi ileqqorissaartumik nipeqarnissamut tunngavoq, atuartullu digitalikkut perorsarsimassusaannut aalajangiilluinnartuuvoq. Atuartummi onlinekkut attaveqarnerminni ileqqorissaartumik nipeqarnissaq paasisimasariaqarpaat paatsooqatigiinnerit ikinngutigiikkunnaarnerillu pinngitsoorneqassappata. Modulimi uani atuartut onlinekkut offlinekkullu attaveqatigiinnerit assigiinngissusaat ilinniassavaat, taamatullu onlinekkut attaveqatigiinnermi paatsoornerit ajornanngitsumik takkuttarneri isumaliutiginissaannut oqaloqatigiissutiginissaannullu periarfissaqassapput. Naggasiutitut atuartut internetsimi nipi tusarnersoq qulakkeerniarlugu siunnersuusiornissaminnut periarfissaqarput.

Anguniagaq

Ingerlatsinerup naammassinerani atuartut uku ilikkassavaat:

  • Atuartut namminneq allallu oqaasiisa sunniutigisinnaasaat nalilersinnaalissavaat.
  • Atuartut ajornanngitsumik paatsooqatigiilersarnerit ilisimaarilissavaat.
  • Atuartut onlinekkut ajornartorsiutit aaqqiissuteqarfigisinnaalissavaat.
  • Atuartut onlinemi ikinngutaalluartup suunera ilisimasalissavaat.

Iliuusissat

Modulimi aaginnarissamik malitassamillu atuartitsinissamut pilersaarusiortoqarnikuuvoq. Taassuma saniatigut modulimi atuartitsinissannut aasinnaasannik atorsinnaasannillu PowerPointeliortoqarnikuuvoq. Power Pointimi iliuusissat, sungiusaatit videollu taakkununnga atugassat takusinnaavatit.

Atortussiat

Modulimut atortussiat anillatsissinnaavatit. Atortussiat saniatigut pisariaqartitat tassaapput allattuinissamut atortut, videollu ilitsersuusiap takutinnissaanut smartboardi.

Piffissaq

Moduli una akunnerit marlunni atuartitsissutigineqarsinnaavoq.

Siunnersuut

Atuartitsinissamut ilitsersuut / anillatsitassaq siulliullugu atuaruk. Tassani sungiusaatinut, iliuusissanut siunertamut assigisaannullu tunngasut takuneqarsinnaapput.

PowerPointimiipput videoliat YouTubemut atassusikkat, videollu ajornaquteqanngitsumik takuneqassappata pingaarpoq PowerPointip internetimut aallersinnaanerata akuerinissaa.