Qallunaatoortitsinerup iluani “It attaveqatigiittarnerullu” ataaniittut ilisimasassat pisinnaasassallu angunissaannut Wifive periarfissiivoq. Tamatuma saniatigut WiFivep “It mediallu” attupillassavai. Ingerlatsinermi Wifive atuartut digitalitigut perorsarsimassusaannut tapertaasinnaavoq, taakkunanimi internettikkut attaveqatigiittarfinni nammineq allallu iliuusaat isumaliutigitinneqarpoq, misissortinneqarpoq oqallisigitinneqarlunilu. Ingerlatsinermi atuartut periarfissinneqarput internettip atuuffianut, isumaanut, attaveqatigiittarfinni sunneqatigiittarnermut, attaveqatigiittarfiit isumaannut, periarfissiinerinnut, maaffissaqarnerinnut assigisaannullu paasinninnissaannut itisiliinissaannullu.

Wifivemi modulit ukununnga tapertaasinnaavoq:

  • Atuartut internettikkut attaveqarnerup periarfissiinera maaffissaqarneralu ilisimassavaat.
  • Atuartut eqqarsaatigilluakkamik isummertassasut internettimilu pisunik aaqqiiniartassasut.
  • Atuartut namminneq allallu oqaasiisa iliuusaasalu kinguneqarsinnaanerinnik naliliisinnaassasut.
  • Atuartut internetsikkut attaveqatigiittarfinni ikinngutaalluarneq peqataanerminnilu akisussaaffeqarnertik ilisimassagaat.