Allaatiginera
Modulip aappaa teknologimik paasisimasaqarnermut tunngavoq. Atuartut digitalitikkut perorsarsimassusaannut pingaaruteqartunut ilaavoq. Digitalikkut perorsarsimassuseq tassaaginnanngilaq digitalimi kusanartumik iliuuseqartarneq, aammali teknologimik atuinermut paasinninnissamullu tunngassuteqarpoq. Modul 2-mi teknologip inuunitsinnut sunniutaat assigiinngitsut, oqaluttuarisaanermut sunniutaa, inuttut ataasiakkaatut tamattalu ataatsimut inuunitsinnut, ataatsimullu kissaatitsitut kissaatiginngisatsitulluunniit inuiaqatigiinnut sunniutaat atuartut misissorsinnaanngorlugillu isumaliutiginissaat ilinniassavaat. Tamatuma saniatigut atuartut nammiinneerlutik iliuuseqarnermikkut digitalitigullu ataqatigiinnerput paasiniassavaat. Taamaattumik moduli arlalinnik sungiusaatitaqarpoq, taakkulu atuartut digitalimik paasinninnissaannut teknologillu ineriartorneranut paasinnilersitsillutillu ilisimaarineqalissapput.
Anguniagaq
Ingerlatsereernermi atuartut uku pisinnaalissavaat:
- Atuartut oqaloqatigiinnerni imminnut inissisimaffissarsisinnaalissapput.
- Atuartut teknologip ineriartornerata ajunngitsortai ajortortaalu paasisimalissavaat.
- Atuartut internetimik mobilimillu atuinerminni internetip tunuaniittoq teknologi paasisimalissavaat.
Iliuusissat
Modulip ingerlannissaanut atuartitsinermut pilersaarusiaqareerpoq, aariaannaalluni malinneqarsinnaasoq. Taakku saniatigut modulip atuartitsissutiginerani PowerPointimi takutitassiaqareerpoq, aallugillu atorsinnaasatit. Power Pointimi iliuusissat, sungiusaatit videollu taakkununnga tunngasut takusinnaavatit.
Atortussiat
Modulimut uunga atortussiat anillatsissavatit. Atortussiat saniatigut allannermi atortut, qiuutit, liimmi videomilu ilitsersuusiap takutinnissaanut smartboardi.
Piffissaq
Modulip ingerlannissaanut akunnerit marluk atorneqarsinnaapput.
Siunnersuut
Atuartitsinermut ilitsersuut / anillatsitassaq siulliullugu atuaruk. Sungiusaatinut, iliuusissanut, siunertamut assigisaanullu tunngassutillit paasissutissat tassaniipput.
PowerPointimiipput videoliat YouTubemut atassusikkat, videollu ajornaquteqanngitsumik takuneqassappata pingaarpoq PowerPointip internetimut aallersinnaanerata akuerinissaa.