Digitalitigut attaveqaatit pingaarnertullu inuttut attaveqaatit, tassaapput atuartut ataatsimoorfigisartagaat pingaarutillit, kiisalu kinaassusaannut ilinniarnerannullu annertuumik ineriartorfiusartut. Akisussaffigaarput inuusuttut teknologip ineriartorneranik tassanilu ileqqussanik ilisimasaqarnissaat. Atuarfimmi digitalitigut perorsarsimassutsimik akisussaaqataavugut.
Atuartut pisuni assigiinngitsuni namminneq inuunerminni misigisartakkamik isumaliutigisarnissaat pisariaqartippaat. Oqaluttuat ilisarsiffigisinnaasaat suliassallu aaqqissuulluakkat paasisinnaasatillu pisariaqartippaat.
Taamaattumik Danske Skoleelevet TDC Group suleqatigalugu atortussiaq WiFive ineriartortippaat. Atuartut ulluinnarni inuunerat aallaavigineqarpoq. Powerpointit piariikkat, atuartitsinissamut ilitsersuutit, assersuutit tigussaasut, videot allallu atortussat akeqanngitsumik WiFivimiipput – Digitalitigut ataatsimoorfik pitsaasoq.
Atuartut peqatigalugit sammisat sisamat aqqusaarneqassapput: Nipi pitsaasoq, teknologimik paasisimasaqarneq, ileqqorissaarneq onlinemilu isumannaassuseq. Atuarfimmi digitalitigut perorsarsimassuseq aalajangiunneqarpoq.
Atuarfimmi digitalikkut perorsarsimassuseq pingaaruteqarpoq
Danskit meerartaat inuusuttortaallu internetimik atuisorujussuupput. 2014-mi 13-nik ukiullit 97 procentii attaveqatigiittarfinni imminnut ilisaritissimapput. Danskit atuartui Europami nunanut allanut naleqqiullutik attaveqatigiittarfinnik atuiliaarnerusarput, ajoraluartumilli internetsikkut pimmatigineqarnerpaanut ilaavugut – ajornartorsiullu atuisuni inuusunnerusuniippoq.
Matumani ilisimatusarnerit nutaat atuartut siusissukkut onlinekkut ileqqussanik pitsaasunik pigiliussinissaat tikkuartorpaat. Taamaaliorutta atuartut nukarliit atuinissaannut piareersarnissaat qulakkeersinnaavarput. WiFive atuartut peqatiginerisigut nukarlerni digitalitigut ataatsimoorfimmik pitsaassumik qulakkeerinneqataasinnaavoq.
Isumannaassusertaaq pineqarpoq
Atuarfimmi digitalitigut perorsarsimassuseq tassaaginnanngilaq peqqissaartumik oqalussinnaaneq teknologimillu paasisimasaqarneq. Atuartut isumannaatsumik atuissagunik paasissutissallu imminnut tunngasut atornerlunneqassanngippata annertuumik paasisimasaqarnissaat piumasaqaataavoq. Digitalitigut peqatigiittarfinni atuartut isumaliutigilluakkaminnik iliuuseqartarnissamikkut perorsarneqartariaqarput.
TDC-p nittartagaani itinerusumik atuarneqarsinnaapput atuartut digitalitigut perorsarsimassusaat nukittorsarniarlugit atuartitsinermik ingerlatsinissaat. Atuartitsinerit malinnaaffiginerigut atuartut digitalikkut perorsarsimassutsimut allagartartaarsinnaapput.
