Allaatiginera
Modulip pingajuani internetimi ileqqorissaarneq pineqarpoq, atuartut digitalitikkut perorsarsimassusaannut pingaaruteqartunut ilaasoq. Uani modulimi atuartut attaveqatigiittarfiit tamanut ammatitsisut matoqqatitsisullu inissisimaffiinik ilisimasaqalissapput, taakkumi immikkoorutaat attaveqatigiittarfinnik atuinermi ersigunnaartarmat. Taakku saniatigut atortussiat internetsimi ileqqorissaarnerup pingaassusaanik ileqqorissaannginnerullu nassatarisinnaasaannik isumaliutiginninnissamut eqimattakkaarlunilu eqqartuinissamut periarfissiipput. Atortussiami inatsit internetsikkut iliuutsinut atuuttoq pingaartinneqarpoq.
Anguniagaq
Ingerlatsereernermi atuartut uku pisinnaalissavaat:
- Atuartut allat inissisimaffiaanniissinnaalissapput.
- Atuartut internettimi namminneq allallu oqaasiisa kingunerisinnaasaannik ilisimaarinnilissapput.
- Atuartut tamanut ammatitsisut matoqqatitsisullu assigiinngissusaat ilisimalissavaat.
- Atuartut attaveqatigiinnerminni akisussaaffeqarnertik ilisimassavaat.
- Atuartut internetimiinnerminni pisunut tunngasunut isumaliutigisaminnik isummerfiginnissinnaanngussapput.
Iliuusissat
Modulip ingerlannissaanut atuartitsinermut pilersaarusiaqareerpoq, aariaannaalluni malinneqarsinnaallunilu. Taakku saniatigut modulip atuartitsissutiginerani PowerPointitut takutitassat sananeqareerput, aallugillu atorsinnaasatit.
Atortussiat
Modulimi atortussiat anillatsissavatit. Taakku saniatigut allannermi atortut, qiuutit, tegnestiftit tikikummiusaq nipputtartoq videollu ilitsersuutip takutinnissaanut smartboardi atorfissaqartinneqarput.
Piffissaq
Modulip ingerlannissaanut akunnerit marluk atorneqarsinnaapput.
Siunnersuut
Atuartitsinermut ilitsersuut / anillatsitassaq siulliullugu atuaruk. Sungiusaatinut, iliuusissanut, siunertamut assigisaanullu tunngassutillit paasissutissat tassaniipput.
PowerPointimiipput videoliat YouTubemut atassusikkat, videollu ajornaquteqanngitsumik takuneqassappata pingaarpoq PowerPointip internetimut aallersinnaanerata akuerinissaa.